Draai 'n steak in papajaskil toe vir 45 minute voor jy dit braai. Dit sal baie sag wees. - Gwen Coetzee

As jy met uie of vis gewerk het, was jou hande met sout om van die reuk ontslae te raak.

As deur nie mooi toegaan nie, smeer kosyn met bordkryt, druk deur toe. Skaaf plek waar krytmerk sit glad en siedaar! - M. Wandrag.

'n Dun lagie suiker onder in die koekblik help om koekies vars en bros te hou - Carina Viljoen

Om gommerke op items te verwyder (a.g.v. pryse/etikette), ook lisensieskyfgom op motorruit, gebruik Brasso. Dit werk! Margie le Roux.

Om kougom van 'n kledingstuk te verwyder, vryf grondboontjiebotter in en was dit dan gewoonweg - A. Kondowe

WENK : Kook vadoeke in water met suurlemoen in om hulle vlekke te verwyder - LINDA PIETERS

Eet ontbyt! Dit sal jou energievlakke deur die dag opstoot.

Vermy gesig-afskilfering as jy aknee het – dit sal die aknee vererger.

Wend afskilferingsbehandeling net aan ’n klam vel. Smeer na die tyd goeie lyfroom aan

Gebruik mooi, praktiese bokse om in 'n deurmekaar kas orde te skep.

Gebruik 'n pot ongegeurde akwaroom, voeg twee koppies growwe sout en 'n bietjie lyfolie by om jou eie velproduk te maak waarmee jy jou lyf kan skrop.